Тақырыбы: Алматы қаласы метрополитені вагондарында азаматтардың жекелеген санаттарына арналған орындар пайда болды

2016 жылдың 06 сәуірінен бастап Алматы қаласы метрополитенінде азаматтардың белгілі санаттары – мүгедектерге, зейнеткерлерге, жүкті әйелдерге және балалы жолаушыларға арналған арнайы орындар бөлінді.Жолаушылар арнайы бөлінген орындарды вагондардың шеткі орындықтарының төбесіне жабыстырылған ақпараттық баннерлер бойынша біле алады. Метрополитеннің бүкіл жылжымалы құрамында барлығы 168 орын қарастырылған.

«Метрополитен» КМК көзі нашар көретін жолаушылар үшін сайт нұсқасын іске қосты

2016 жылғы 25 наурызда Алматы қ. «Метрополитен» КМК көзі нашар көретін жолаушылар үшін сайт нұсқасын іске қосты.

Сайтты пайдаланушылардың ыңғайлы жұмысы үшін ақпарат қолжетімді, көрнекі және түсінікті үлгіде салынған. Енді көзі нашар көретін жолаушылар метро туралы жаңалықтар оқи алады, метрополитенді пайдалану ережелерімен таныса алады, сондай-ақ директорға сұрақ қоя алады.

Сайттың арнайы нұсқасында мәтін шрифтін өзгерту, бет фонының түсін таңдау мүмкіндігі бар, бұл ретте шрифт түсі фон түсіне байланысты өзгереді.

«Метрополитен» КМК жолаушыларды «Ғашықтар күнімен құттықтайды»

2016 ж. 14 ақпан мерекесіне орай, Алматы қ. метрополитенінде жолаушыларға «валентинка» түрінде купондар таратылады.  Метро логотипі бейнеленген ашық хаттар серіктес компаниядан бірқатар акцияларға жеңілдіктер ұсынады. Бұдан басқа, «Абай» және «Байқоңыр» бекеттерінде мерекелік тақырыпта конструкция орнатылады, соның аясында барлық қалаушылар суретке түсе алады.

 

Алматы метрополитені электрпойыз машинисінің жаңа тренажерінің тұсауын кесті

2016 жылғы 12 қаңтарда «Метрополитен» КМК-де жаңа программалық-техникалық кешен «Электрпойыз машинистінің тренажері» тұсаукесері өтті.

Осы жоба электрпойызды басқрудың және әртүрлі оқыс оқиғаларда (өрт, лаңкестік қауіп, пойыздың әртүрлі жүйесіндегі жұмыстағы ақаулар) әрекет ету тәжірибесін ала отырып, машинистердің білімдерін тестілеудің көп деңгейлі оқыту орталығы болып табылады.

Жаңа программалық-техникалық кешен үш негізгі бөліктен тұрады: машинист кабинасының көшірмесі, нұсқаушының автоматтандырылған жұмыс орны (НАЖО) және процедуралық тренажерлар.

Алматы қ. метрополитені 2015 жылға жұмыс қорытындысын жасады.

Өткен жылға «Метрополитен» КМК жолаушыларды толық көлемде тасымалдау кезінде қауіпсіздікті қамтамасыз етті. 2015 жылғы сәуірде  «Сайран» және «Мәскеу» екі жаңа бекет іске қосылды. Метрополитен желісінің ұзындығы 11,3 км дейін созылды, бұл жолаушылар ағының көбеюіне оң әсерін тигізді.

Жаңа жыл қарсаңында метрополитеннің «Мәскеу» бекетінде «Әлем - балалардың көзімен» атты балалар суреттерінің көрмесі ашылды. Экспозицияға «Арт-Фаворит» бейнелеу өнері студиясы оқушыларының 100-ге жуық жұмыстары қойылды.

Балалар суретінің көрмесінде әртүрлі тақырыптағы: жаңа жыл, туған жер табиғаты, натюрморттар және т.б. жұмыстар қойылды. Жас суретшілер жұмыстарында сюжет қарапайымдылығы мен ой еркіндігі  балалардың әлемді өздерінше ұғынуымен үйлеседі.

Ұйымдастырушылар барлық келушілерді жас суретшілердің, олардың ішіндегі ең жасы 4-те, жұмыстарын көруге  шақырады. Экспозиция 2016 ж. 28 қаңтарына дейін созылады.

 

Страницы

КГП МЕТРОПОЛИТЕН АЛМАТЫ 2016